ಬೇವಿನ ಎಲೆ ಮಳೆಗಾಲದಲ್ಲಿ ಶುಗರ್ ಇದ್ದವರಿಗೆ ಎಂಥ ಔಷಧಿ ನಿಮಗೆ ಗೊತ್ತೇ!!

ನಮ್ಮ ದೇಹದಲ್ಲಿ ಯಾವಾಗ ನಾವು ಸೇವನೆ ಮಾಡಿದ ಆಹಾರದಲ್ಲಿ ಕಂಡುಬರುವ ಕಾರ್ಬೋಹೈಡ್ರೆಟ್ ಅಂಶ ಸಂಸ್ಕರಣೆಯಾಗಿ ಗ್ಲುಕೋಸ್ ರೂಪಕ್ಕೆ ಬದಲಾಗಲು ಸಮಯ ತೆಗೆದುಕೊಳ್ಳುತ್ತದೆ ಆಗ ಮಧುಮೇಹಕ್ಕೆ ಸಂಬಂಧಪಟ್ಟ ರೋಗಲಕ್ಷಣಗಳು ಕ್ರಮೇಣವಾಗಿ ನಮ್ಮಲ್ಲಿ ಇನ್ನು ಮುಂದೆ ಕಾಣಬಹುದು ಎಂಬ ನಿರೀಕ್ಷೆ ಇಟ್ಟುಕೊಳ್ಳಬಹುದು.

ಏಕೆಂದರೆ ಈ ಸಮಯದಲ್ಲಿ ನಮ್ಮ ದೇಹದಲ್ಲಿ ಸಕ್ಕರೆ ಅಂಶವನ್ನು ಸಂಸ್ಕರಣೆ ಮಾಡುವಂತಹ ಮಟ್ಟದಲ್ಲಿ ಇನ್ಸುಲಿನ್ ಪ್ರಮಾಣ ಉತ್ಪತ್ತಿಯಾಗುವುದಿಲ್ಲ ಅಥವಾ ಉತ್ಪತ್ತಿಯಾದ ಇನ್ಸುಲಿನ್ ಮಟ್ಟವನ್ನು ನಮ್ಮ ದೇಹ ಸರಿಯಾಗಿ ಉಪಯೋಗಿಸಿಕೊಳ್ಳಲು ಸಾಧ್ಯವಾಗುವುದಿಲ್ಲ. ಹೀಗಿರುವ ಸಂದರ್ಭದಲ್ಲಿ ಸಕ್ಕರೆ ಕಾಯಿಲೆಯ ಸಾಧ್ಯತೆ ಇರುತ್ತದೆ.

ದೀರ್ಘಕಾಲದ ಮೆಟಬಾಲಿಕ್ ಪ್ರಕ್ರಿಯೆಯ ಹಿನ್ನಡೆ ಕೂಡ ಮಧುಮೇಹ ಸಮಸ್ಯೆಗೆ ನೇರವಾದ ಕಾರಣ ಎಂದು ಹೇಳಬಹುದು. ಇದನ್ನು ನಿರ್ಲಕ್ಷ ಮಾಡಿ ಹಾಗೆ ಬಿಡುವುದರಿಂದ ನಮ್ಮ ದೇಹದ ಸಾಕಷ್ಟು ಅಂಗಾಂಗಗಳು ಹಾನಿಗೆ ಒಳಗಾಗುತ್ತವೆ.

ಮುಖ್ಯವಾಗಿ ಮಧುಮೇಹ ಸಮಸ್ಯೆ ನಿಯಂತ್ರಣಕ್ಕೆ ಬರದ ಹಾಗೆ ಹೆಚ್ಚಾಗಿರುವ ಜನರಿಗೆ ಹೃದಯದ ಭಾಗ, ಕಣ್ಣುಗಳು, ಕಿಡ್ನಿಗಳು, ದೇಹದಲ್ಲಿನ ರಕ್ತ ನಾಳಗಳು ಮತ್ತು ನರಮಂಡಲಗಳ ಭಾಗಕ್ಕೆ ಅತಿ ಹೆಚ್ಚಿನ ತೊಂದರೆ ಉಂಟಾಗುವುದು ಸಹಜ.

ಇದಕ್ಕೆ ಸಂಬಂಧಪಟ್ಟಂತೆ ಜೀವನಶೈಲಿಯಲ್ಲಿ ಮತ್ತು ಆಹಾರ ಪದ್ಧತಿಯಲ್ಲಿ ಕೆಲವೊಂದು ಬದಲಾವಣೆಗಳನ್ನು ತಂದುಕೊಳ್ಳುವುದರಿಂದ, ಆರೋಗ್ಯಕರವಾದ ದೇಹವನ್ನು ಹೊಂದಲು ಅನುಕೂಲವಾಗುತ್ತದೆ. ಆರೋಗ್ಯ ತಜ್ಞರು ಹೇಳುವ ಪ್ರಕಾರ ಬೇವಿನ ಎಲೆಗಳು ಮಧುಮೇಹ ನಿಯಂತ್ರಣದಲ್ಲಿ ಪ್ರಯೋಜನಕಾರಿಯಾಗಿ ಕೆಲಸ ಮಾಡಬಲ್ಲವು.

​ಮಧುಮೇಹ ಸಮಸ್ಯೆಗೆ ಬೇವು ಹೇಗೆ ಪ್ರಯೋಜನಕಾರಿ?

ನಮ್ಮ ಭಾರತ ದೇಶದ ಎಲ್ಲಾ ಕಡೆ ಸಾಮಾನ್ಯವಾಗಿ ಬೇವಿನ ಮರಗಳು ಸುಲಭವಾಗಿ ನೋಡಲು ಸಿಗುತ್ತವೆ. ಬಹಳ ಹಿಂದಿನ ಕಾಲದಿಂದಲೂ ಸಹ ಬೇವಿನಸೊಪ್ಪನ್ನು ಆಯುರ್ವೇದ ಪದ್ಧತಿಯಲ್ಲಿ ಒಂದು ಬಗೆಯ ಔಷಧಿಯನ್ನಾಗಿ ಬಳಕೆ ಮಾಡಲಾಗುತ್ತಿದೆ.

ಬೇವಿನ ಮರದ ಪ್ರತಿಯೊಂದು ಭಾಗ ಕೂಡ ಅತ್ಯಂತ ದಟ್ಟವಾದ ಆರೋಗ್ಯ ಪ್ರಯೋಜನಗಳನ್ನು ಒಳಗೊಂಡಿದೆ. ಹಲ್ಲು ನೋವಿನಿಂದ ಬಳಲುತ್ತಿರುವವರಿಗೆ, ಚರ್ಮದ ಸಮಸ್ಯೆಯನ್ನು ಹೊಂದಿರುವವರಿಗೆ, ಉರಿಯೂತದ ಸಮಸ್ಯೆಯಿಂದ ಬಳಲುತ್ತಿರುವ ಜನರಿಗೆ, ಜ್ವರದ ತಾಪಮಾನವನ್ನು ಹೆಚ್ಚಾಗಿ ಹೊಂದಿರುವ ಜನರು ಕೂಡ ಬೇವಿನ ಎಲೆಗಳ ಉಪಯೋಗವನ್ನು ಪಡೆದುಕೊಳ್ಳಬಹುದು. ರಕ್ತದಲ್ಲಿನ ಸಕ್ಕರೆ ಮತ್ತು ಗ್ಲೂಕೋಸ್ ಪ್ರಮಾಣವನ್ನು ಅತ್ಯುತ್ತಮವಾಗಿ ನಿರ್ವಹಣೆ ಮಾಡುವ ಗುಣಲಕ್ಷಣ ಇದರಲ್ಲಿ ಕಂಡುಬರುತ್ತದೆ.

​ರಕ್ತದ ಶುದ್ಧೀಕರಣದಲ್ಲಿ ಬೇವಿನ ಎಲೆಗಳ ಪಾತ್ರ
ನಮ್ಮ ದೇಹದ ರಕ್ತದ ಶುದ್ಧೀಕರಣದಲ್ಲಿ ಬೇವಿನ ಎಲೆಗಳು ಪ್ರಮುಖಪಾತ್ರ ಬೀರುತ್ತವೆ. ಬೇವಿನ ಎಲೆಗಳಲ್ಲಿ ವಿಟಮಿನ್-ಎ, ವಿಟಮಿನ್ ಬಿ ಮತ್ತು ವಿಟಮಿನ್ ಸಿ ಅಂಶದ ಪ್ರಮಾಣ ಹೆಚ್ಚಾಗಿ ಸಿಗುತ್ತದೆ.

ಇದರ ಜೊತೆಗೆ ಇದರಲ್ಲಿ ಕ್ಯಾಲ್ಸಿಯಂ, ಕಬ್ಬಿಣ ಮತ್ತು ಫ್ಲೇವನಾಯ್ಡ್ ಅಂಶಗಳು ಸಹ ಅಪಾರ ಪ್ರಮಾಣದಲ್ಲಿರುತ್ತವೆ. ಯಾರು ಮಧುಮೇಹ ಸಮಸ್ಯೆಯಿಂದ ಬಳಲುತ್ತಿರುತ್ತಾರೆ ಅಂತಹವರಿಗೆ ಬೇವಿನ ಎಲೆಗಳು ಬಹಳ ಪ್ರಯೋಜನಕಾರಿ.

ವಿಟಮಿನ್ ಎ ಮತ್ತು ವಿಟಮಿನ್ ಸಿ ಅಂಶಗಳು ಇದರಲ್ಲಿ ಕಂಡುಬರುವ ಶಕ್ತಿಯುತವಾದ ಆಂಟಿಆಕ್ಸಿಡೆಂಟ್ ಅಂಶಗಳು ಎನ್ನಲಾಗಿದ್ದು, ನಮ್ಮ ದೇಹದಲ್ಲಿ ಇನ್ಸುಲಿನ್ ಉತ್ಪತ್ತಿಯನ್ನು ಹೆಚ್ಚಾಗಿಸಿ ರಕ್ತದಲ್ಲಿನ ಸಕ್ಕರೆ ಪ್ರಮಾಣವನ್ನು ನಿಯಂತ್ರಣ ಮಾಡಬಲ್ಲದು. ಬೇವಿನ ಎಲೆಗಳಲ್ಲಿ ಕಂಡುಬರುವ ಕ್ಯಾಲ್ಸಿಯಂ ಅಂಶ ಕೂಡ ಮಧುಮೇಹ ಸಮಸ್ಯೆ ಇರುವ ಜನರಿಗೆ ತುಂಬಾ ಒಳ್ಳೆಯದು.

ಯಾರು ಮಧುಮೇಹ ಸಮಸ್ಯೆಯನ್ನು ಹೊಂದಿರುತ್ತಾರೆ ಅಂತಹವರಿಗೆ ದೇಹದಿಂದ ಖನಿಜಾಂಶಗಳ ಪ್ರಮಾಣ ದೂರವಾಗುತ್ತದೆ. ಇದರಿಂದ ಕೀಲುಗಳ ನೋವು ಮತ್ತು ಮಾಂಸಖಂಡಗಳ ನೋವು ಮಾಯವಾಗುತ್ತದೆ. ಆರೋಗ್ಯಕರವಾದ ಮತ್ತು ಸದೃಢವಾದ ಮೂಳೆಗಳನ್ನು ಹೊಂದಲು ಕ್ಯಾಲ್ಸಿಯಂ ಅಂಶದ ಅಗತ್ಯತೆ ಇದ್ದೇ ಇರುತ್ತದೆ.

ಕೆಲವು ಅಂದಾಜಿನ ಪ್ರಕಾರ ಹೇಳುವುದಾದರೆ, ಕಬ್ಬಿಣದ ಅಂಶದ ಕೊರತೆಯಿಂದ ಕೂಡ ಜನರಲ್ಲಿ ಮಧುಮೇಹ ಸಮಸ್ಯೆ ಹೆಚ್ಚಾಗುತ್ತದೆ. ಈ ಸಂದರ್ಭದಲ್ಲಿ ಬೇವಿನ ಎಲೆಗಳನ್ನು ಆಗಾಗ ಜಗಿದು ತಿನ್ನುವ ಅಭ್ಯಾಸ ಮಾಡಿಕೊಂಡರೆ, ಗ್ಲೈಸೆಮಿಕ್ ಸೂಚ್ಯಂಕ ನಿಯಂತ್ರಣಕ್ಕೆ ಬಂದು ಮೆಟಬಾಲಿಸಂ ಪ್ರಕ್ರಿಯೆ ಸಹಜವಾಗಿ ನಡೆಯುತ್ತದೆ.

ಆಹಾರ ಸೇವನೆ ಮಾಡಿದ ನಂತರ ಇದ್ದಕ್ಕಿದ್ದಂತೆ ರಕ್ತದಲ್ಲಿ ಸಕ್ಕರೆ ಪ್ರಮಾಣ ಹೆಚ್ಚಾಗುವ ಸಾಧ್ಯತೆ ಇರುವುದಿಲ್ಲ. ಇದಕ್ಕೆ ಬೇವಿನ ಎಲೆಗಳಲ್ಲಿ ಕಂಡುಬರುವ ಫ್ಲೇವನಾಯ್ಡ್ ಅಂಶಗಳು ಬಿಡುವುದಿಲ್ಲ. ಹಾಗಾಗಿ ಬೇವಿನ ಎಲೆಗಳು ಮಧುಮೇಹ ಸಮಸ್ಯೆ ಇರುವವರಿಗೆ ತುಂಬಾ ಆರೋಗ್ಯಕರ.

​ಬೇವಿನ ಎಲೆಗಳನ್ನು ಸೇವಿಸುವುದು ಹೇಗೆ?
ಸಿಹಿಯಾದ ಸಕ್ಕರೆ ಅಂಶದಿಂದ ಬರುವ ಮಧುಮೇಹಕ್ಕೆ ಕಹಿಯಾದ ಬೇವು ರಾಮಬಾಣ. ದೀರ್ಘಕಾಲದಿಂದ ಮಧುಮೇಹ ಸಮಸ್ಯೆಯಿಂದ ಬಳಲುತ್ತಿರುವ ಜನರು ತಮ್ಮ ಆಹಾರ ಪದ್ಧತಿಯಲ್ಲಿ ಬೇವಿನ ಎಲೆಗಳನ್ನು ಸೇರಿಸಿಕೊಳ್ಳಲು ಸಾಧ್ಯವಾಗುವುದಿಲ್ಲ.

ಆದರೆ ಬೆಳಗಿನ ಸಮಯದಲ್ಲಿ ಖಾಲಿಹೊಟ್ಟೆಯಲ್ಲಿ ನಾಲ್ಕರಿಂದ ಐದು ಬೇವಿನ ಎಲೆಗಳನ್ನು ಜಗಿದು ತಿನ್ನುವುದರಿಂದ ಆರೋಗ್ಯದ ಲಾಭಗಳನ್ನು ಪಡೆದುಕೊಳ್ಳಬಹುದು. ನಮ್ಮ ದೇಹದಲ್ಲಿ ಇನ್ಸುಲಿನ್ ಉತ್ಪತ್ತಿಯನ್ನು ಹೆಚ್ಚು ಮಾಡಿ ರಕ್ತದಲ್ಲಿನ ಸಕ್ಕರೆ ಪ್ರಮಾಣವನ್ನು ಕಡಿಮೆ ಮಾಡಿ ಮಧುಮೇಹವನ್ನು ನಿಯಂತ್ರಣ ಮಾಡಲು ಇದು ನೆರವಾಗುತ್ತದೆ.

ಮಧುಮೇಹ ಸಮಸ್ಯೆ ಒಮ್ಮೆ ಬಂದರೆ ಅದರಿಂದ ಬಿಡಿಸಿಕೊಂಡು ಹೊರಬರಲು ಸಾಧ್ಯವಿಲ್ಲ. ಹಾಗಾಗಿ ಇದನ್ನು ಆರೋಗ್ಯಕರವಾದ ಆಹಾರ ಪದ್ಧತಿ ಮತ್ತು ಉತ್ತಮವಾದ ಜೀವನ ಶೈಲಿಯ ಮೂಲಕ ನಿಯಂತ್ರಣ ಮಾಡಿಕೊಳ್ಳಬಹುದು.

ಮಧುಮೇಹ ಸಮಸ್ಯೆಯನ್ನು ಹೊಂದಿದ ಜನರು ಆಗಾಗ ತಮ್ಮ ರಕ್ತ ಪರೀಕ್ಷೆಯನ್ನು ಮಾಡಿಸಿಕೊಳ್ಳುವ ಮುಂಚೆ ಖಾಲಿ ಹೊಟ್ಟೆಯಲ್ಲಿದ್ದು ತಮ್ಮ ರಕ್ತದಲ್ಲಿನ ಸಕ್ಕರೆ ಪ್ರಮಾಣ ಪ್ರಸ್ತುತ ಯಾವ ಹಂತದಲ್ಲಿದೆ ಎಂಬುದನ್ನು ತಿಳಿದುಕೊಳ್ಳುವುದು ಒಳ್ಳೆಯದು.

ಈ ರೀತಿ ರೋಗನಿರ್ಣಯ ಮಾಡಿಕೊಂಡು ಸುಲಭವಾಗಿ ಮಧುಮೇಹ ಸಮಸ್ಯೆಯನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳಬಹುದು. ಮಧುಮೇಹ ಸಮಸ್ಯೆ ನಿಯಂತ್ರಣಕ್ಕೆ ಕೇವಲ ಬೇವಿನ ಎಲೆಗಳು ಪರಿಹಾರವಾಗಲು ಸಾಧ್ಯವಿಲ್ಲ. ಅವುಗಳ ಜೊತೆಗೆ ವೈದ್ಯರು ನೀಡುವ ಔಷಧಿಗಳನ್ನು ಸಹ ತೆಗೆದುಕೊಳ್ಳುವುದು ಒಳ್ಳೆಯದು.

Leave A Reply

Your email address will not be published.