ಮೊಳಕೆ ಕಟ್ಟಿದ ಯಾವುದೇ ಪದಾರ್ಥಗಳಿಂದ ದೂರ ಉಳಿಯುತ್ತೇವೆ ಎನ್ನುವವರು ನಮ್ಮ ಮಧ್ಯೆ ಹಲವು ಮಂದಿ ಇದ್ದಾರೆ. ಅದೇನೋ ಗೊತ್ತಿಲ್ಲ ಅವರ ಪ್ರಕಾರ ಮೊಳಕೆ ಕಟ್ಟಿದ ಯಾವುದೇ ಆಹಾರ ಪದಾರ್ಥಗಳು ಆರೋಗ್ಯಕ್ಕೆ ಕೆಟ್ಟದ್ದು ಉಂಟು ಮಾಡುತ್ತವೆ ಎಂದಿರುತ್ತದೆ. ಮೊಳಕೆಯಲ್ಲಿ ಸಾಕಷ್ಟು ರಾಸಾಯನಿಕ ಅಂಶಗಳನ್ನು ಆಹಾರ ಪದಾರ್ಥಗಳು ಬಿಡುಗಡೆ ಮಾಡಿರುತ್ತವೆ ಎಂಬುದು ಅವರ ನಂಬಿಕೆ.
ಇದರ ಕಾರಣದಿಂದ ಮೊಳಕೆ ರಹಿತ ಆಹಾರ ಪದಾರ್ಥಗಳಿಗೆ ಹೆಚ್ಚಿನ ಆದ್ಯತೆ ಕೊಡುತ್ತಾರೆ. ಹಲವು ಕಡೆ ನಾವು ಬೆಳ್ಳುಳ್ಳಿಯನ್ನು ಮೊಳಕೆ ಬರಿಸಿ ಆಮೇಲೆ ಸೇವನೆ ಮಾಡುವ ಜನರನ್ನು ನೋಡಿರುತ್ತೇವೆ. ಏಕೆಂದರೆ ಬೆಳ್ಳುಳ್ಳಿಯಲ್ಲಿ ಔಷಧೀಯ ಅಂಶಗಳ ಪ್ರಭಾವ ತುಂಬಾ ಹೆಚ್ಚಾಗಿದೆ.
ಇದರ ಜೊತೆಗೆ ರಕ್ತದಲ್ಲಿನ ಕೆಟ್ಟ ಕೊಲೆಸ್ಟ್ರಾಲ್ ಅಂಶಗಳನ್ನು ದೂರ ಮಾಡಿ ಹೃದಯದ ಆರೋಗ್ಯವನ್ನು ಉತ್ತಮಪಡಿಸುವ ಗುಣಲಕ್ಷಣಗಳು ಬೆಳ್ಳುಳ್ಳಿಯಲ್ಲಿ ಹೆಚ್ಚು ಸಿಗುತ್ತವೆ. ಮೊಳಕೆ ಬರಿಸಿದ ಬೆಳ್ಳುಳ್ಳಿ ಸೇವನೆ ಮಾಡುವುದರಿಂದ, ಚರ್ಮದ ಸೋಂಕುಗಳು ನಿವಾರಣೆಯಾಗುವುದು, ದೇಹದಲ್ಲಿ ಕ್ಯಾನ್ಸರ್‌ಕಾರಕ ಜೀವಕೋಶಗಳು ಇಲ್ಲವಾಗುವುದು, ಮೂಗು ಎದೆ ಹಾಗೂ ಗಂಟಲು ಭಾಗದಲ್ಲಿ ಕಟ್ಟಿಕೊಂಡಿರುವ ಕಫ ಕರಗುವುದು ಇತ್ಯಾದಿ ಹಲವಾರು ಊಹೆಗೂ ಮೀರಿದ ಆರೋಗ್ಯ ಪ್ರಯೋಜನಗಳು ಬೆಳ್ಳುಳ್ಳಿಯಲ್ಲಿ ಸಿಗಲಿವೆ.ಅಧ್ಯಯನಗಳು ಹೇಳುವ ಹಾಗೆ, ಮೊಳಕೆ ಕಟ್ಟಿದ ಬೆಳ್ಳುಳ್ಳಿಯನ್ನು ದಿನನಿತ್ಯ ಸೇವನೆ ಮಾಡುವುದರಿಂದ ಈ ಕೆಳಗಿನ ಆರೋಗ್ಯ ಪ್ರಯೋಜನಗಳನ್ನು ನಿಮ್ಮದಾಗಿಸಿಕೊಳ್ಳಬಹುದು.
ಕ್ಯಾನ್ಸರ್ ಕಾರಕ ಜೀವಕೋಶಗಳ ವಿರುದ್ಧ ಹೋರಾಡುತ್ತದೆ–ಮೊಳಕೆ ಕಟ್ಟಿದ ಬೆಳ್ಳುಳ್ಳಿ ಸೇವನೆ ಮಾಡುವುದರಿಂದ ನಿಮಗೆ ಹೆಚ್ಚಿನ ಪ್ರಮಾಣದಲ್ಲಿ ಫೈಟುಕೆಮಿಕಲ್ ಅಂಶಗಳು ಲಭ್ಯವಾಗಿ ದೇಹದಲ್ಲಿ ಈಗಾಗಲೇ ಬೆಳವಣಿಗೆ ಯಾಗಿರುವ ಕ್ಯಾನ್ಸರ್ ಕಾರಕ ಜೀವಕೋಶಗಳು ಮತ್ತಷ್ಟು ಪ್ರಮಾಣದಲ್ಲಿ ತಮ್ಮ ಸಂತತಿಯನ್ನು ಹೆಚ್ಚು ಮಾಡಿಕೊಳ್ಳಲು ಬಿಡುವುದಿಲ್ಲ.ಇಷ್ಟೇ ಅಲ್ಲದೆ ಬೆಳ್ಳುಳ್ಳಿಯಲ್ಲಿ ಆಂಟಿಆಕ್ಸಿಡೆಂಟ್ ಅಂಶಗಳ ಪ್ರಮಾಣ ಕೂಡ ಹೆಚ್ಚಾಗಿರುವುದರಿಂದ ದೇಹದಲ್ಲಿ ಫ್ರೀ ರಾಡಿಕಲ್ ಅಂಶಗಳು ಆರೋಗ್ಯದ ಮೇಲೆ ಕೆಟ್ಟ ಪ್ರಭಾವ ಬೀರದಂತೆ ನೋಡಿಕೊಳ್ಳುತ್ತವೆ.
ನಿಮ್ಮ ಹೃದಯವನ್ನು ರಕ್ಷಣೆ ಮಾಡುತ್ತವೆ—ನಿಮ್ಮ ಆಹಾರ ಪದ್ಧತಿಯಲ್ಲಿ ಬೆಳ್ಳುಳ್ಳಿ ಬಳಕೆ ಹೆಚ್ಚು ಮಾಡುವುದರಿಂದ ಅಥವಾ ಮೊಳಕೆ ಬಂದಿರುವ ಹಸಿ ಬೆಳ್ಳುಳ್ಳಿಯನ್ನು ಸೇವನೆ ಮಾಡುವುದರಿಂದ, ರಕ್ತನಾಳಗಳಲ್ಲಿ ರಕ್ತಸಂಚಾರವನ್ನು ತಡೆಹಿಡಿಯುವ ಯಾವುದೇ ಅಂಶಗಳು ಇಲ್ಲದಂತೆ ನೋಡಿಕೊಂಡು ಹೃದಯದ ಕಾರ್ಯಚಟುವಟಿಕೆಗೆ ಯಾವುದೇ ತೊಂದರೆ ಆಗದಂತೆ ಎಚ್ಚರವಹಿಸುತ್ತವೆ.ಇದರಿಂದ ಹೃದಯಕ್ಕೆ ಸಂಬಂಧಪಟ್ಟಂತೆ ಯಾವುದೇ ತೊಂದರೆಗಳು ಯಾವುದೇ ಕ್ಷಣದಲ್ಲಿ ಎದುರಾಗುವುದಿಲ್ಲ ಮತ್ತು ಹೃದಯರಕ್ತನಾಳದ ಕಾಯಿಲೆಗಳಿಂದ ಸಹ ದೂರವುಳಿಯಬಹುದು.
ಪಾರ್ಶ್ವವಾಯು ಸಮಸ್ಯೆಯಿಂದ ಮುಕ್ತಿ ಪಡೆದುಕೊಳ್ಳಬಹುದು–ಬೆಳ್ಳುಳ್ಳಿಯಲ್ಲಿ ರಕ್ತ ಹೆಪ್ಪುಗಟ್ಟುವ ಸಾಧ್ಯತೆ ಇರುವ ವ್ಯಕ್ತಿಗಳಿಗೆ ನೈಟ್ರೇಟ್ ಅಂಶಗಳನ್ನು ಒದಗಿಸಿ ರಕ್ತನಾಳಗಳನ್ನು ಹಿಗ್ಗಿಸಿ ಸರಾಗವಾದ ರಕ್ತಸಂಚಾರ ಉಂಟುಮಾಡುವ ಸ್ವಭಾವವಿದೆ.ಇದರಿಂದ ರಕ್ತನಾಳಗಳಲ್ಲಿ ರಕ್ತ ಹೆಪ್ಪುಗಟ್ಟುವುದು ಅಥವಾ ಮಿದುಳಿನ ಭಾಗಕ್ಕೆ ಕಡಿಮೆ ಪ್ರಮಾಣದಲ್ಲಿ ರಕ್ತ ಸಂಚಾರ ಉಂಟಾಗುವ ಸಾಧ್ಯತೆ ಇರುವುದಿಲ್ಲ.
ಮೊಳಕೆ ಬಂದಿರುವ ಬೆಳ್ಳುಳ್ಳಿಗಳನ್ನು ಆಗಾಗ ಸೇವನೆ ಮಾಡುವುದರಿಂದ ಅವುಗಳಲ್ಲಿ ಕಂಡುಬರುವ ನೈಸರ್ಗಿಕ ರಾಸಾಯನಿಕ ಅಂಶಗಳು ದೇಹದಲ್ಲಿ ರಕ್ತನಾಳಗಳ ಮೇಲೆ ಯಾವುದೇ ಒತ್ತಡ ಉಂಟಾಗದಂತೆ ತಡೆದು ಪಾರ್ಶ್ವವಾಯು ಸಮಸ್ಯೆಯಿಂದ ರಕ್ಷಣೆ ಮಾಡುತ್ತವೆ.
ಚರ್ಮದ ಭಾಗದಲ್ಲಿ ಸುಕ್ಕುಗಳು ಹಾಗೂ ವಯಸ್ಸಾಗುವಿಕೆ ಪ್ರಕ್ರಿಯೆ ದೂರಮಾಡುತ್ತವೆ–ಕೇವಲ ಆಂತರಿಕವಾಗಿ ಮಾತ್ರವಲ್ಲದೆ, ಬೆಳ್ಳುಳ್ಳಿ ಮೊಳಕೆ ಬರಿಸಿ ಸೇವನೆ ಮಾಡುವುದರಿಂದ ಅವುಗಳಲ್ಲಿ ಆಂಟಿಆಕ್ಸಿಡೆಂಟ್ ಅಂಶಗಳ ಪ್ರಮಾಣ ಹೆಚ್ಚಾಗಿ ಸಿಕ್ಕಿದಂತಾಗಿ, ಫ್ರೀ ರಾಡಿಕಲ್ ಅಂಶಗಳ ವಿರುದ್ಧ ರಕ್ಷಣೆ ಸಿಗುತ್ತದೆ.ಇದರಿಂದ ಚರ್ಮದ ವಯಸ್ಸಾಗುವಿಕೆ ಪ್ರಕ್ರಿಯೆ ದೂರವಾಗುತ್ತದೆ ಮತ್ತು ಚರ್ಮದ ಸುಕ್ಕುಗಳು ಮತ್ತು ಗೆರೆಗಳು ಮಾಯವಾಗುತ್ತವೆ. ದೇಹದ ಒಳಭಾಗದಲ್ಲಿ ಕೂಡ ಅಂಗಾಂಗಗಳ ರಕ್ಷಣೆ ಮೊಳಕೆ ಬಂದ ಬೆಳ್ಳುಳ್ಳಿ ಗಳಿಂದ ಉಂಟಾಗುತ್ತದೆ ಎಂದು ಹೇಳಬಹುದು.
ದೇಹದ ರೋಗನಿರೋಧಕ ಶಕ್ತಿ ಬಲಗೊಳ್ಳುತ್ತದೆ–ಒಂದು ವೇಳೆ ನೀವು ಹೆಚ್ಚು ಕೆಮ್ಮು ಅಥವಾ ಕಫ ಸಮಸ್ಯೆಯಿಂದ ಆಗಾಗ ಬಳಲುವ ಸಾಧ್ಯತೆ ಇದ್ದರೆ, ನಿಮ್ಮ ದೇಹದ ರೋಗ ನಿರೋಧಕ ಶಕ್ತಿ ಕಡಿಮೆಯಾಗಿದೆ ಎಂದರ್ಥ.ಇಂತಹ ಸಂದರ್ಭದಲ್ಲಿ ಮಳೆಗಾಲದಲ್ಲಿ ಹಾಗೂ ಚಳಿಗಾಲದಲ್ಲಿ ಸಣ್ಣಪುಟ್ಟ ಶೀತದ ಸಮಸ್ಯೆ ಎದುರಾದರೂ ಕೂಡ ಗಂಭೀರವಾದ ಆರೋಗ್ಯದ ಸೋಂಕುಗಳನ್ನು ಹೊಂದುವ ಸಾಧ್ಯತೆ ಇರುತ್ತದೆ.ಹೀಗಾಗಿ ಮೊಳಕೆ ಕಟ್ಟಿದ ಬೆಳ್ಳುಳ್ಳಿಗಳನ್ನು ಆಹಾರ ಪದ್ಧತಿಯಲ್ಲಿ ಬಳಕೆಮಾಡಿ ಸೇವನೆ ಮಾಡುವುದರಿಂದ ದೇಹದ ರೋಗ ನಿರೋಧಕ ಶಕ್ತಿ ಹೆಚ್ಚಾಗುತ್ತದೆ ಮತ್ತು ಸೋಂಕುಗಳಿಂದ ದೂರವಾಗಲು ಅನುಕೂಲವಾಗುತ್ತದೆ.
ಬೆಳ್ಳುಳ್ಳಿಯಲ್ಲಿ ಮೊಳಕೆ ಬರಿಸುವುದು ಹೇಗೆ?–ಸಾಮಾನ್ಯವಾಗಿ ಬೆಳ್ಳುಳ್ಳಿ ತಾನಾಗಿಯೇ ಮೊಳಕೆಯೊಡೆಯುತ್ತದೆ. ಆದರೆ ಅದನ್ನು ತೆರೆದ ಜಾಗದಲ್ಲಿ ಇಡಬೇಕು ಅಷ್ಟೇ. ಒಂದು ವೇಳೆ ನೀವು ಮನೆಯಲ್ಲಿ ಬೆಳ್ಳುಳ್ಳಿಗಳನ್ನು ಮೊಳಕೆ ಬರಿಸಲು ಮುಂದಾದರೆ ಈ ಕೆಳಗಿನ ತಂತ್ರಗಳನ್ನು ಅನುಸರಿಸಿ.ಮೊದಲಿಗೆ ಒಂದು ಬೆಳ್ಳುಳ್ಳಿ ಎಸಳನ್ನು ಸಿಪ್ಪೆ ಸುಲಿಯದ ಹಾಗೆ ತೆಗೆದುಕೊಂಡು, ಅದರ ಎರಡೂ ಬದಿಗಳಲ್ಲಿ ಟೂತ್ ಪಿಕ್ ನಿಂದ ಚುಚ್ಚಿ, ಟೂತ್ ಪಿಕ್ ಗಳು ಅಲ್ಲೇ ಇರುವಂತೆ ನೋಡಿಕೊಳ್ಳಿ.
ಈಗ ಒಂದು ಲೋಟದಲ್ಲಿ ನೀರು ತುಂಬಿಕೊಂಡು ನಿಮ್ಮ ಬಳಿ ಇರುವ ಬೆಳ್ಳುಳ್ಳಿ ಅದರಲ್ಲಿ ಅರ್ಧ ಮುಳುಗುವಂತೆ ಲೋಟದ ಮೇಲೆ ಇರಿಸಿ. ಚೆನ್ನಾಗಿ ಬಿಸಿಲು ಬರುವ ಜಾಗದಲ್ಲಿ ನಾಲ್ಕೈದು ದಿನಗಳ ಕಾಲ ಇದನ್ನು ಇಟ್ಟರೆ ಬೆಳ್ಳುಳ್ಳಿ ಮೊಳಕೆ ಬರಲು ಪ್ರಾರಂಭವಾಗುತ್ತದೆ. ಆನಂತರ ನೀವು ಇದನ್ನು ತಿನ್ನಬಹುದು.