ಕನಸಿನಲ್ಲಿ, ಒಬ್ಬ ವ್ಯಕ್ತಿಯು ಎಲ್ಲಾ ರೀತಿಯ ಒತ್ತಡ ಮತ್ತು ಚಿಂತೆಗಳಿಂದ ಮುಕ್ತವಾಗಿರುವ ಜಗತ್ತನ್ನು ತಲುಪುತ್ತಾನೆ. ಕನಸಿನಲ್ಲಿ ನಾವು ವಿಭಿನ್ನ ಸಂದರ್ಭಗಳಲ್ಲಿ ವಿಭಿನ್ನ ಸ್ಥಳಗಳನ್ನು ಕಾಣುತ್ತೇವೆ. ಕೆಲವೊಮ್ಮೆ ನೀವು ಬೇರೆ ದೇಶಕ್ಕೆ ಪ್ರಯಾಣಿಸುತ್ತಿರುವುದನ್ನು ನೀವು ನೋಡುತ್ತೀರಿ, ಕೆಲವೊಮ್ಮೆ ನೀವು ಕನಸಿನಲ್ಲಿ ಬಹಳಷ್ಟು ಹಣವನ್ನು ಅಥವಾ ಸಂಪತ್ತಿನ ಹೆಚ್ಚಳವನ್ನು ಕಾಣುತ್ತೀರಿ. ಸ್ವಪ್ನ ಶಾಸ್ತ್ರದ ಪ್ರಕಾರ ಪ್ರತಿಯೊಂದು ಕನಸಿಗೂ ತನ್ನದೇ ಆದ ಅರ್ಥವಿದೆ. ಸ್ವಪ್ನ ಶಾಸ್ತ್ರದ ಪ್ರಕಾರ, ಯಾವುದೇ ಕನಸು ಸುಮ್ಮನೆ ಬಂದು ಹೋಗುವುದಿಲ್ಲ ಬದಲಾಗಿ ಅವುಗಳು ಭವಿಷ್ಯದ ಘಟನೆಗಳ ಬಗ್ಗೆ ನಿಮಗೆ ಅರಿವು ಮೂಡಿಸಲು ನಿದ್ದೆಯಲ್ಲಿ ಬಂದು ಹೋಗುತ್ತದೆ. ಯಾರಾದರೂ ಕನಸಿನಲ್ಲಿ ಹಣವನ್ನು ನೋಡಿದರೆ, ಅವನ ಸಂತೋಷಕ್ಕೆ ಮಿತಿಯಿರುವುದಿಲ್ಲ. ಅಂತಹ ಕನಸುಗಳು ನಿಮಗೆ ಲಾಭ ಅಥವಾ ನಷ್ಟವನ್ನು ತರುತ್ತವೆಯೇ ಎಂಬುದನ್ನು ತಿಳಿಯೋಣ..
ಸ್ವಪ್ನ ಶಾಸ್ತ್ರದ ಪ್ರಕಾರ, ನೀವು ಎಲ್ಲಿಂದಲೋ ಹಣವನ್ನು ಪಡೆಯುತ್ತಿರುವುದನ್ನು ನೀವು ಕನಸಿನಲ್ಲಿ ನೋಡಿದರೆ ಅಥವಾ ಯಾರಾದರೂ ನಿಮಗೆ ಹಣವನ್ನು ಅಂದರೆ ನೋಟುಗಳನ್ನು ನೀಡುತ್ತಿರುವುದನ್ನು ನೀವು ನೋಡಿದರೆ, ಅದು ಶುಭ ಸಂಕೇತವಾಗಿದೆ. ಅಂತಹ ಕನಸು ಬಂದರೆ, ವ್ಯಕ್ತಿಗೆ ಲಾಭದ ಸಾಧ್ಯತೆಗಳಿವೆ ಎಂದು ಸ್ವಪ್ನ ಶಾಸ್ತ್ರದಲ್ಲಿ ಹೇಳಲಾಗಿದೆ. ಇದರೊಂದಿಗೆ ಮುಂದಿನ ದಿನಗಳಲ್ಲಿ ನಿಮ್ಮ ಆರ್ಥಿಕ ಸ್ಥಿತಿಯೂ ಸದೃಢವಾಗಿರಬಹುದು ಎಂಬುದಕ್ಕೆ ಇದು ಸಂಕೇತವಾಗಿದೆ.
ಬ್ಯಾಂಕ್ ಖಾತೆಯಲ್ಲಿ ಹಣವನ್ನು ಠೇವಣಿ ಮಾಡಿರುವುದು
ಒಬ್ಬ ವ್ಯಕ್ತಿಯು ಕನಸಿನಲ್ಲಿ ಬ್ಯಾಂಕ್ ಖಾತೆಯಲ್ಲಿ ಹಣವನ್ನು ಠೇವಣಿ ಮಾಡುವುದನ್ನು ಅಥವಾ ಉಳಿಸುವುದನ್ನು ನೋಡಿದರೆ, ಇದು ಸಹ ಮಂಗಳಕರ ಸಂಕೇತವಾಗಿದೆ. ಇದರರ್ಥ ನೀವು ಮುಂಬರುವ ಸಮಯದಲ್ಲಿ ಹಣವನ್ನು ಗಳಿಸಬಹುದು. ಸ್ವಪ್ನ ಶಾಸ್ತ್ರದ ಪ್ರಕಾರ, ನೀವು ಕನಸಿನಲ್ಲಿ ಎಷ್ಟು ಹೆಚ್ಚಿನ ಮಟ್ಟದ ಹಣವನ್ನು ನೋಡುತ್ತೀರೋ ಅಷ್ಟು ಮಟ್ಟದಲ್ಲಿ ಲಾಭವನ್ನು ಪಡೆಯುತ್ತೀರಿ ಎಂದರ್ಥ.
ಕನಸಿನಲ್ಲಿ ನಾಣ್ಯಗಳು
ಒಬ್ಬ ವ್ಯಕ್ತಿಯು ಕನಸಿನಲ್ಲಿ ನಾಣ್ಯಗಳನ್ನು ನೋಡಿದರೆ ಅಥವಾ ನಾಣ್ಯಗಳನ್ನು ಎಣಿಸುತ್ತಿರುವುದನ್ನು ನೋಡಿದರೆ, ಮುಂಬರುವ ಭವಿಷ್ಯದಲ್ಲಿ ನೀವು ಆರ್ಥಿಕ ಬಿಕ್ಕಟ್ಟನ್ನು ಎದುರಿಸಬೇಕಾಗಬಹುದು. ಇದರೊಂದಿಗೆ, ಕನಸಿನಲ್ಲಿ ನಾಣ್ಯಗಳನ್ನು ನೋಡುವುದು ದುರಾದೃಷ್ಟವನ್ನು ಆಹ್ವಾನಿಸುತ್ತದೆ ಎನ್ನುವ ನಂಬಿಕೆಯಿದೆ. ಜೊತೆಗೆ ಇದು ಬರಲಿರುವ ಬಡತನದ ಸಂಕೇತವಾಗಿದೆ.
ಹಣವನ್ನು ಕಳೆದುಕೊಂಡಂತೆ ಕನಸು
ಯಾರಾದರೂ ಕನಸಿನಲ್ಲಿ ತನ್ನ ಹಣ ಕಳೆದುಹೋಗಿರುವುದನ್ನು ನೋಡಿದರೆ ಅಥವಾ ಹರಿದ ನೋಟುಗಳನ್ನು ನೀವು ನೋಡಿದರೆ, ಇದು ಕೂಡ ಅಶುಭ ಸಂಕೇತವಾಗಿದೆ. ಇದರರ್ಥ ನೀವು ಹಣವನ್ನು ಕಳೆದುಕೊಳ್ಳಬಹುದು. ಅಲ್ಲದೆ, ನಿಮ್ಮ ಕೆಲಸದಲ್ಲಿ ಅಡೆತಡೆಗಳು ಉಂಟಾಗಬಹುದು.
ಹೂತಿಟ್ಟ ಹಣದ ಕನಸು
ಒಬ್ಬ ವ್ಯಕ್ತಿಯು ಹೂತು ಹಾಕಿದ ಹಣವನ್ನು ಕನಸಿನಲ್ಲಿ ನೋಡಿದರೆ, ಶೀಘ್ರದಲ್ಲೇ ನೀವು ಹೂತು ಹಾಕಿದ ಹಣವನ್ನು ಎಲ್ಲೋ ಪಡೆಯುತ್ತೀರಿ ಎಂದು ಅರ್ಥವಲ್ಲ. ವೈದಿಕ ಗ್ರಂಥಗಳಲ್ಲಿನ ರಾವಣ ಸಂಹಿತೆ ಮತ್ತು ವರಹಾ ಸಂಹಿತೆಯ ಪ್ರಕಾರ, ಈ ಕನಸಿನ ಅರ್ಥ ನೀವು ಇದ್ದಕ್ಕಿದ್ದಂತೆ ಸಂಪತ್ತನ್ನು ಪಡೆಯುವ ಸಾಧ್ಯತೆಯಿದೆ ಅಥವಾ ಗೌರವ ಮತ್ತು ಪ್ರತಿಷ್ಠೆಯನ್ನು ಪಡೆಯುವ ಸಾಧ್ಯತೆಯಿದೆ ಎಂದರ್ಥ. ಅಂದರೆ, ನೀವು ಅಪರಿಚಿತ ಮೂಲಗಳಿಂದ ಹಣವನ್ನು ಪಡೆಯಬಹುದು.