ಹಿಂದೂ ಧರ್ಮದಲ್ಲಿ ಬಹಳ ಮಹತ್ವವಿರುವ ಹೂವು ಕಮಲ. ಈ ಹೂ ಎಷ್ಟು ನೈಸರ್ಗಿಕ ಪ್ರಾಮುಖ್ಯತೆಯನ್ನು ಹೊಂದಿದೆಯೋ, ಅಷ್ಟೇ ಜ್ಯೋತಿಷ್ಯ ಮತ್ತು ಧಾರ್ಮಿಕ ಮಹತ್ವವಿದೆ. ಧರ್ಮಗ್ರಂಥಗಳ ಪ್ರಕಾರ, ಲಕ್ಷ್ಮಿ ದೇವಿಯನ್ನು ಕಮಲ ಮತ್ತು ಕಮಲಾಸನ ಎಂದೂ ಕರೆಯುತ್ತಾರೆ, ಎಂದರೆ, ಕಮಲದ ಹೂವು ಲಕ್ಷ್ಮಿ ದೇವಿಯ ಸ್ಥಾನ ಎಂಬ ಪ್ರತೀತಿ ಇದೆ. ಇದಕ್ಕಾಗಿಯೇ ಲಕ್ಷ್ಮಿ ಪೂಜೆ ಮಾಡುವಲ್ಲಿ ಕಮಲ ಹೂವಿಗೆ ವಿಶೇಷ ಸ್ಥಾನವಿದೆ. ಅಷ್ಟು ಮಾತ್ರವಲ್ಲ, ಕಮಲದ ಹೂವುಗಳಿಂದ ನಮ್ಮ ಜನ್ಮ ಜನ್ಮಾಂತರದ ಪಾಪಗಳನ್ನು, ದುಃಖಗಳನ್ನು ತೊಡೆದು ಹಾಕಬಹುದು. ಕಮಲದ ಹೂವುಗಳಿಂದ ಕೂಡ ನಮ್ಮ ಹಲವು ಸಮಸ್ಯೆಗಳಿಗೆ ಪರಿಹಾರವಿದೆ.
ಕಮಲದ ಹೂವಿಗೆ ಹಣವನ್ನು ಆಕರ್ಷಿಸುವ ಸಾಮರ್ಥ್ಯವಿದೆ. ಆದ್ದರಿಂದ, ಕಮಲದ ಕೆಲವು ಖಚಿತವಾದ ಪರಿಹಾರಗಳನ್ನು ಮಾಡುವುದರಿಂದ ಖಂಡಿತವಾಗಿಯೂ ಹಣದ ಲಾಭವನ್ನು ಪಡೆಯಬಹುದು. ಜೀವನದ ಅಸಂಖ್ಯಾತ ತೊಂದರೆಗಳನ್ನು ನಿವಾರಿಸಿಕೊಳ್ಳಬಹುದು. ಹಾಗಾದರೆ ಕಮಲದ ಆ ವಿಶಿಷ್ಟ ಪರಿಹಾರಗಳ ಬಗ್ಗೆ ತಿಳಿಯೋಣ.
ದನ ಲಾಭಕ್ಕಾಗಿ ಕಮಲದ ಹೂವು–ತಾಯಿ ಲಕ್ಷ್ಮಿಗೆ ಕಮಲದ ಹೂವು ತುಂಬಾ ಇಷ್ಟ. ಪ್ರತಿ ಶುಕ್ರವಾರ ಕಮಲದ ಹೂವನ್ನು ಖರೀದಿಸಿ ಮತ್ತು ಅದನ್ನು ದೇವಿ ಲಕ್ಷ್ಮಿಯ ಪಾದಗಳಿಗೆ ಅರ್ಪಿಸಿ. ನೀವು ಇದನ್ನು 5 ಶುಕ್ರವಾರದವರೆಗೆ ಮಾತ್ರ ಮಾಡಬೇಕು. ಈ ಪರಿಹಾರದಿಂದ ಹಣಕ್ಕೆ ಸಂಬಂಧಿಸಿದ ಪ್ರತಿಯೊಂದು ಸಮಸ್ಯೆಗೆ ಸ್ವಯಂಚಾಲಿತವಾಗಿ ಪರಿಹಾರ ಪಡೆಯುತ್ತೀರಿ.
ನೀವು ಕಷ್ಟಪಟ್ಟು ಕೆಲಸ ಮಾಡಿದ ನಂತರವೂ ನಿಮ್ಮ ಶ್ರಮಕ್ಕೆ ಸರಿಯಾದ ಫಲ ಸಿಗುತ್ತಿಲ್ಲವಾದರೆ ಆಗ ನೀವು ಹೀಗೆ ಮಾಡಬಹುದು. ತಾಯಿ ಲಕ್ಷ್ಮಿಯನ್ನು ಪೂಜಿಸಿ ಮತ್ತು ಕಮಲದ ಹೂವನ್ನು ಸಹ ಪೂಜಿಸಿ, ನಂತರ ಈ ಹೂವನ್ನು ಕೆಂಪು ಬಟ್ಟೆಯಲ್ಲಿ ಕಟ್ಟಿ ಅದನ್ನು ಹಣವಿಡುವ ತಿಜೋರಿಯಲ್ಲಿಡಿ..
ದೇವಿ ಲಕ್ಷ್ಮಿಯನ್ನು ಒಲಿಸಿಕೊಳ್ಳಲು ಕಮಲದ ಹೂವು–ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, 11 ಶುಕ್ರವಾರಗಳ ಕಾಲ ಒಂದು ತೆಂಗಿನಕಾಯಿ ಜೊತೆಗೆ ಬಿಳಿ ಕಮಲವನ್ನು ಲಕ್ಷ್ಮಿ ದೇವಿಗೆ ಅರ್ಪಿಸಿ ಪೂಜಿಸಬೇಕು. 11 ಶುಕ್ರವಾರದವರೆಗೆ ಲಕ್ಷ್ಮಿಯ ಮುಂದೆ ತೆಂಗಿನಕಾಯಿ ಮತ್ತು ಕಮಲದ ಹೂವನ್ನು ಇರಿಸಿ ಪೂಜಿಸಬೇಕು. ಹನ್ನೊಂದನೇ ಶುಕ್ರವಾರದ ನಂತರ, ಲಕ್ಷ್ಮಿ ಪೂಜೆಯಲ್ಲಿ ಬಳಸಿದ ಈ ಕಮಲದ ಹೂವುಗಳನ್ನು ನವಮಿ ದಿನದಂದು ಹರಿಯುತ್ತಿರುವ ನದಿಯಲ್ಲಿ ಬಿಡಿ. ಮತ್ತು ತೆಂಗಿನಕಾಯಿಯನ್ನು ಕೆಂಪು ಬಟ್ಟೆಯಲ್ಲಿ ಸುತ್ತಿ ನೀವು ಹಣ ಇಡುವ ತಿಜೋರಿಯಲ್ಲಿಡಿ. ಆದರೆ ಈ ವಿಷಯದಲ್ಲಿ ನೀವು ಗಮನಿಸಬೇಕಾದ ವಿಷಯವೆಂದರೆ ನೀವು ಪೂಜೆಯಲ್ಲಿ ಬಳಸಿದ ತೆಂಗಿನಕಾಯಿಯನ್ನು ಇಡುವ ತಿಜೋರಿಯು ಉತ್ತರ ದಿಕ್ಕಿನತ್ತ ಮುಖಮಾಡಿರಬೇಕು. ಅಂದರೆ ತಿಜೋರಿ ಬಾಗಿಲನ್ನು ಉತ್ತರ ದಿಕ್ಕಿನಲ್ಲಿ ತೆರೆಯುವ ವ್ಯವಸ್ಥೆ ಮಾಡಿರಬೇಕು.
ಸಂತಾನ ಪ್ರಾಪ್ತಿಗಾಗಿ—ವರ್ಷದ ಪ್ರತಿ ಏಕಾದಶಿಯಂದು ಭಗವಾನ್ ಶ್ರೀ ಕೃಷ್ಣನಿಗೆ 2 ಕಮಲದ ಹೂವುಗಳನ್ನು ಅರ್ಪಿಸಿ. ಹೀಗೆ ಮಾಡುವುದರಿಂದ ನಿಮಗೆ ಬೇಗ ಸಂತಾನ ಪ್ರಾಪ್ತಿಯಾಗುತ್ತದೆ.
ಕೌಟುಂಬಿಕ ವಿವಾದಗಳು ಕೊನೆಗೊಳ್ಳಲು
ಕಮಲ–ಬುಧವಾರದಂದು ಕಮಲದ ಹೂವಿಗೆ ಶ್ರೀಗಂಧದವನ್ನು ಹಚ್ಚಿ ಮತ್ತು ಅದನ್ನು ಲಕ್ಷ್ಮಿ ದೇವಿಯ ಮತ್ತು ಶ್ರೀ ಗಣೇಶನ ಪಾದಗಳಿಗೆ ಅರ್ಪಿಸಿ. 11 ಬುಧವಾರಗಳ ಕಾಲ ಹೀಗೆ ಮಾಡುವುದರಿಂದ ಕೌಟುಂಬಿಕ ಕಲಹ ದೂರವಾಗಿ ಮನೆಯ ಸದಸ್ಯರಲ್ಲಿ ಪರಸ್ಪರ ಪ್ರೀತಿ ಹೆಚ್ಚುತ್ತದೆ.ಲಕ್ಷ್ಮಿ ದೇವಿಯನ್ನು ಮೆಚ್ಚಿಸಲು, ಮನೆಯ ಪೂಜಾ ಸ್ಥಳದಲ್ಲಿ ಪ್ರತಿದಿನ ಕಮಲದ ಹೂವನ್ನು ಅರ್ಪಿಸಿ. ಇದು ಮೆನಯಲ್ಲಿ ಸಂಪತ್ತು ಮತ್ತು ಸಮೃದ್ಧಿ ಹೆಚ್ಚಾಗಲು ಕಾರಣವಾಗುತ್ತದೆ. ಮತ್ತು ಕುಟುಂಬದ ಸದಸ್ಯರ ನಡುವೆ ಸಾಮರಸ್ಯ ಹೆಚ್ಚಾಗುತ್ತದೆ.
ನಿಮ್ಮ ಇಷ್ಟಾರ್ಥಗಳು ಈಡೇರಲು ಕಮಲ–ಕಮಲದ ಹೂವನ್ನು ಮಂಗಳಕರ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಒಂದು ವಾರದವರೆಗೆ ಶಿವಲಿಂಗಕ್ಕೆ ಕಮಲದ ಹೂವನ್ನು ಅರ್ಪಿಸಿದರೆ, ನಿಮ್ಮ ಎಲ್ಲಾ ಇಷ್ಟಾರ್ಥಗಳು ಈಡೇರುತ್ತವೆ…