ನಿಮ್ಮ ಬೆರಳಲ್ಲಿ ಇರುವ ಶಂಖದ ಚಿಹ್ನೆ ಏನನ್ನು ಸೂಚಿಸುತ್ತದೆ!

ಸಮುದ್ರಿಕಾ ಶಾಸ್ತ್ರದ ಪ್ರಕಾರ ವ್ಯಕ್ತಿಯ ಒಂದು ಬೆರಳ ತುದಿಯಲ್ಲಿ ಶಂಖದ ರೇಖೆ ಇದ್ದರೆ ಅದು ಶುಭ ಚಿಹ್ನೆ. ಇಂತಹ ಜನರು ಉನ್ನತ ಶಿಕ್ಷಣವನ್ನು ಮಾಡುತ್ತಾರೆ ಜೊತೆಗೆ ಉನ್ನತ ಸ್ಥಾನವನ್ನೂ ಏರುತ್ತಾರೆ. ಇದರೊಂದಿಗೆ ಈ ವ್ಯಕ್ತಿಗಳು ಸಾಮಾಜಿಕ ಕಾರ್ಯಗಳಲ್ಲಿ ಹೆಚ್ಚು ಭಾಗವಹಿಸುತ್ತಾರೆ. ಇವರು ಸಮಸ್ಯೆಗಳನ್ನು ಎದುರಿಸುವುದು ಬಹಳ ವಿರಳ. ಅಂದರೆ ಇವರು ಹೆಚ್ಚು ಕಷ್ಟಗಳಿಲ್ಲದೇ ಸಾಮಾನ್ಯ ಜೀವನವನ್ನು ನಡೆಸುತ್ತಾರೆ.

​​ಎರಡು ಶಂಖದ ಗುರುತುಗಳಿದ್ದರೆ

ನಿಮ್ಮ ಕೈಯ ಎರಡು ಬೆರಳುಗಳಲ್ಲಿ ಶಂಖದ ಗುರುತಿದ್ದರೆ, ಸಮುದ್ರಿಕಾ ಶಾಸ್ತ್ರದ ಪ್ರಕಾರ ಅದು ಹೋರಾಟದ ಸಂಕೇತವಾಗಿದೆ. ಇಂತಹ ವ್ಯಕ್ತಿಗಳನ್ನು ಯಶಸ್ಸನ್ನು ಪಡೆಯಲು ಬಹಳ ಶ್ರಮ ಪಡಬೇಕಾಗುತ್ತದೆ. ಅಲ್ಲದೇ ಇವರು ಇತರರನ್ನು ಅವಲಂಬಿಸಿಯೇ ಜೀವನವನ್ನು ನಡೆಸುತ್ತಾರೆ. ಇಂತವರು ಇತರರ ಸಹಾಯವಿಲ್ಲದೇ ಕೆಲಸವನ್ನು ಮಾಡಲು ಸಾಧ್ಯವಿಲ್ಲ.

​ಮೂರು ಶಂಖದ ಗುರುತಿದ್ದರೆ
ಸಮುದ್ರಿಕಾಶಾಸ್ತ್ರದಲ್ಲಿ ಹೇಳುವಂತೆ ಒಬ್ಬ ವ್ಯಕ್ತಿಯು ತನ್ನ ಮೂರು ಬೆರಳುಗಳಲ್ಲಿ ಶಂಖವನ್ನು ಹೊಂದಿದ್ದರೆ ಅವರಿಗೆ ಮಹಿಳೆಯರ ಬಗ್ಗೆ ವಿಶೇಷ ಕಾಳಜಿ, ಪ್ರೀತಿ ಇರುತ್ತದೆ. ಅದಲ್ಲದೇ ತನ್ನ ಆದಾಯದ ಶೇಕಡಾ ನೂರರಷ್ಟು ವಸ್ತು, ಸಾಮಾಗ್ರಿಗಳಿಗಾಗಿ ಹಣವನ್ನು ಖರ್ಚು ಮಾಡುತ್ತಾರಂತೆ. ಇಂತಹ ವ್ಯಕ್ತಿಗಳು ಸಾಮಾನ್ಯ ಜೀವನವನ್ನು ನಡೆಸುವವರು ಹಾಗೂ ಕಚೇರಿಯಲ್ಲೀ ಮಧ್ಯಮ ಮಟ್ಟದ ಉದ್ಯೋಗಿಗಳಾಗಿರುತ್ತಾರೆ.

​ಬೆರಳಲ್ಲಿ ನಾಲ್ಕು ಶಂಖದ ಗುರುತಿದ್ದರೆ

ಸಮುದ್ರಿಕಾ ಶಾಸ್ತ್ರದ ಪ್ರಕಾರ ಒಬ್ಬರ ನಾಲ್ಕು ಬೆರಳುಗಳಲ್ಲಿ ಶಂಖ ಇದ್ದರೆ ಅದು ಬಹಳ ಶುಭ ಚಿಹ್ನೆ. ಅಂತಹ ವ್ಯಕ್ತಿಯು ರಾಜನಂತೆ ಬುದುಕುತ್ತಾನೆ ಎಂದು ಹೇಳಲಾಗುತ್ತದೆ. ಇಷ್ಟು ಮಾತ್ರವಲ್ಲದೇ ತಮ್ಮ ಕುಟುಂಬದ ಗೌರವವನ್ನೂ ಹೆಚ್ಚಿಸುತ್ತಾರೆಂಬ ನಂಬಿಕೆ ಇದೆ. ಇವರನ್ನು ಕುಟುಂಬದ ‘ಕುಲದೀಪಕ’ರೆಂದು ಕರೆಯಲಾಗುತ್ತದೆ. ಇಂತಹ ಜನರು ಹೆಚ್ಚಾಗಿ ರಾಜತಾಂತ್ರಿಕ ಕಾರ್ಯಗಳಲ್ಲಿ ಸಂಬಂಧ ಹೊಂದಿರುತ್ತಾರೆ ಎಂದು ಹೇಳಲಾಗುತ್ತದೆ.

​​ಬೆರಳಲ್ಲಿ ಐದು​ ಶಂಖದ ಗುರುತಿದ್ದರೆ

ಸಮುದ್ರಿಕಾ ಶಾಸ್ತ್ರದ ಪ್ರಕಾರ ಬೆರಳಲ್ಲಿ ಐದು ಶಂಖದ ಗುರುತಿದ್ದವರು ಬಹಳ ಅದೃಷ್ಟವಂತರು. ಇಂತವರನ್ನು ಎಲ್ಲರೂ ಮೆಚ್ಚಿಕೊಳ್ಳುತ್ತಾರೆ. ಇಂತಹ ವ್ಯಕ್ತಿಗಳು ತಾವು ಹೋದಲ್ಲೆಲ್ಲಾ, ಯಾರನ್ನು ಭೇಟಿಯಾದರೂ ಅವರ ಹೃದಯದಲ್ಲಿ ತಮ್ಮ ಗುರುತನ್ನು ಅಚ್ಚೊತ್ತಿ ಬರುವಂತಹ ಗುಣದವರೆಂದು ಹೇಳಲಾಗುತ್ತದೆ. ಇವರ ಕಾರ್ಯಕ್ಷೇತ್ರದ ಬಗ್ಗೆ ಹೇಳುವುದಾದರೆ ಇಂತಹ ವ್ಯಕ್ತಿಗಳು ನೀರಿಗೆ ಸಂಬಂಧಿಸಿದ ಕೆಲಸಗಳಲ್ಲಿ ಉನ್ನತ ಸ್ಥಾನವನ್ನು ವಹಿಸುತ್ತಾರಂತೆ.

​ಬೆರಳಲ್ಲಿ ಆರು ಶಂಖದ ಗುರುತಿದ್ದರೆ

ಆರು ಬೆರಳಲ್ಲಿ ಶಂಖದ ಗುರುತಿದ್ದರೆ ಆ ವ್ಯಕ್ತಿಯು ವಿದ್ವಾಂಸರು ಹಾಗೂ ಸಾಮಾಜಿಕ ಚಿಂತಕರಾಗಿರುತ್ತಾರೆ. ಅದಲ್ಲದೇ ಇಂತಹ ವ್ಯಕ್ತಿಗಳು ಧಾರ್ಮಿಕ ಬೋಧಕರು, ಜ್ಯೋತಿಷಿಗಳು,ಆಧ್ಯಾತ್ಮಿಕ ಶಿಕ್ಷಕರಾಗಿ ಸಮಾಜಕ್ಕೆ ನಿರ್ದೇಶನವನ್ನು ನೀಡುತ್ತಾರೆ. ಪ್ರತಿಯೊಬ್ಬರು ಇಂತಹ ವ್ಯಕ್ತಿಗಳ ಮಾತನ್ನು ಗಮನವಿಟ್ಟು ಕೇಳುತ್ತಾರೆ, ಅಂದರೆ ಇವರು ಸಮಾಜದ ಎಲ್ಲರ ಗಮನವನ್ನು ಸೆಳೆಯುತ್ತಾರೆ.

ಬೆರಳಲ್ಲಿ ಏಳು ಶಂಖದ ಗುರುತಿದ್ದರೆ

ಯಾರ ಕೈಬೆರಳಿನಲ್ಲಿ ಏಳು ಶಂಖದ ಗುರುತಿರುತ್ತದೆಯೋ ಅವರ ಜೀವನದಲ್ಲಿ ಆರ್ಥಿಕ ಸಮಸ್ಯೆಯನ್ನು ಎದುರಿಸುತ್ತಾರಂತೆ. ಇಂತವರು ಮಕ್ಕಳಿಂದ ಮಾತ್ರ ಸಂತೋಷವನ್ನು ಪಡೆಯುತ್ತಾರೆ. ಸ್ತ್ರೀಯರ ಕೈ ಬೆರಳಲ್ಲಿ ಏಳು ಶಂಖದ ಗುರುತಿದ್ದರೆ ಇಂತಹ ಮಹಿಳೆಯರು ಜೀವನದಲ್ಲಿ ಸಾಕಷ್ಟು ಕಷ್ಟಪಡಬೇಕಾಗುವುದು. ಒಳ್ಳೆಯ ಸಂಗತಿಯೆಂದರೆ ಪ್ರತಿಯೊಂದು ಪರಿಸ್ಥಿತಿಯಲ್ಲೂ ತನ್ನ ಗಂಡನ ಜೊತೆಗಿರುತ್ತಾಳೆ ಎಂದು ಹೇಳಲಾಗುತ್ತದೆ.

​ಎಂಟು ಬೆರಳಲ್ಲಿ ಶಂಖದ ಗುರುತಿದ್ದರೆ

ಸಮುದ್ರಿಕಾ ಶಾಸ್ತ್ರದ ಪ್ರಕಾರ ವ್ಯಕ್ತಿಯ ಎಂಟು ಬೆರಳುಗಳಲ್ಲಿ ಶಂಖದ ಗುರುತಿದ್ದರೆ ಆತನು ಜೀವನದಲ್ಲಿ ಬಹಳ ಕಷ್ಟಪಡಬೇಕಾಗುವುದು. ಇವರು ಸಣ್ಣ ಸಣ್ಣ ವಿಷಯಗಳಿಗೂ ಕಷ್ಟವನ್ನು ಎದುರಿಸಬೇಕಾಗುವುದಂತೆ. ಇಂತಹ ವ್ಯಕ್ತಿಗಳು ತಮಗಿರುವ ಉನ್ನತ ವ್ಯಕ್ತಿಗಳ ಸಂಬಂಧದಿಂದಾಗಿ ಉನ್ನತ ಸ್ಥಾನಗಳನ್ನು ಪಡೆಯುತ್ತಾರೆ ಎಂದು ಹೇಳಲಾಗುತ್ತದೆ.

​ಒಂಭತ್ತು ಬೆರಳುಗಳಲ್ಲಿ ಶಂಖದ ಗುರುತಿದ್ದರೆ

ವ್ಯಕ್ತಿಯ ಒಂಭತ್ತು ಬೆರಳುಗಳಲ್ಲೂ ಶಂಖದ ಗುರುತಿದ್ದರೆ ಅಂತಹ ವ್ಯಕ್ತಿಗೆ ವಿರುದ್ಧ ಲಿಂಗದವರತ್ತ ಆಕರ್ಷಣೆಯು ಹೆಚ್ಚಾಗುವುದೆಂದು ಸಮುದ್ರಿಕಾ ಶಾಸ್ತ್ರವು ವಿವರಿಸುತ್ತದೆ. ಇಂತಹ ವ್ಯಕ್ತಿಗಳು ಯಾವಾಗಲೂ ವಿರುದ್ಧ ಲಿಂಗದವರನ್ನು ಆಕರ್ಷಿಸುವಲ್ಲಿ ತಲ್ಲೀನರಾಗಿರುತ್ತಾರಂತೆ, ಇದರಿಂದಾಗಿ ಇವರ ಜೀವನದಲ್ಲಿ ಚಡಪಡಿಕೆಗಳೇ ಹೆಚ್ಚಾಗುವುದಂತೆ. ಆದರೆ 40 ವರ್ಷಗಳ ನಂತರ ಇವರ ಜೀವನ ಉತ್ತಮವಾಗುವುದು ಎಂದು ಹೇಳಲಾಗುತ್ತದೆ.

​​ಹತ್ತು ಕೈಬೆರಳುಗಳಲ್ಲೂ ಶಂಖದ ಗುರುತಿದ್ದರೆ

ಸಮುದ್ರಿಕಾ ಶಾಸ್ತ್ರದ ಪ್ರಕಾರ ಹತ್ತು ಬೆರಳುಗಳಲ್ಲೂ ಶಂಖದ ಗುರುತನ್ನು ಹೊಂದಿರುವ ವ್ಯಕ್ತಿಯು ತುಂಬಾ ಅದೃಷ್ಟವಂತನಾಗಿರುತ್ತಾನಂತೆ. ಇಂತಹ ವ್ಯಕ್ತಿಗಳು ಐಎಎಸ್‌, ಐಪಿಸ್‌ ಮತ್ತು ಪ್ರಧಾನ ಕಾರ್ಯದರ್ಶಿಯಂತಹ ಉನ್ನತ ಹುದ್ದೆಗಳನ್ನು ಹೊಂದಿರುತ್ತಾರೆ ಎಂದು ಸಮುದ್ರಿಕಾ ಶಾಸ್ತ್ರವು ವಿವರಿಸುತ್ತದೆ. ಇವರ ವೈವಾಹಿಕ ಜೀವನವೂ ತುಂಬಾ ಸಂತೋಷವಾಗಿರುವುದಂತೆ.